ቀብር

ለአንዲት ድንገት የሞተች ሴት የቀብር ሥነ ሥርዓት እየተከናወነ ነው። በሥነ ሥርዓቱ ማብቂያ ላይ አስክሬን ተሸካሚዎቹ አስክሬኑን ከቤተ ክርስቲያኑ ይዘውት ወደ ውጭ እየወጡ ሳሉ ድንገት ከበሩ አጠገብ ከነበረው ግድግዳ ጋር ይጋጩና ሬሳ ሳጥኑን ክፉኛ አንገጫገጩት።
ድክም ያለ የሲቃ ድምፅ ሰሙ። የሬሳ ሣጥኑን ከፈቱና ሴትዬዋ እንዳልሞተች ዐዩ! ከዚህ በኋላ ለዐሥር ድፍን ዓመታት በሰላም ኖራ በመጨረሻ እንደገና ሞተች።
በድጋሚ የቀብር ሥነ ሥርዓቱ በተመሳሳይ ቤተ ክርስቲያ እየተከናወነ ከቆየ በኋላ በስተመጨረሻ ላይ ሬሳ ሣጥን ተሸካሚዎቹ አስክሬኑን ተሸክመው ለመውጣት ሲሰናዱ ባልየው ጫክ ብሎ ምን ቢላቸው ጥሩ ነው ?

“ግድግዳ ጋር እንዳታጋጩት አሁንም!”

English version

A funeral service is being held for a woman who has just passed away. At the end of the service, the pallbearers are carrying the casket out when they accidentally bump into a wall, jarring the casket.
They hear a faint moan. They open the casket and find that the woman is actually alive! She lives for ten more years and then finally dies.
A ceremony is again held at the same place, and at the end of the ceremony, the pallbearers are again carrying out the casket. As they are walking, the husband cries out, “Watch the wall!”

ሐበሻ

ሐበሻ
ከነካኩት እንጂ ካልነኩት አይነካም
ሐበሻ ራሱን እንጂ የሰው ዘር አይጠላም
ልብ እና ኩላሊት እንደ ፊት አይታይም
አይቻልም እንጂ ቢቻል ነበር መልካም
የፊጢኝ ታስሮ በውቅያኖስ ዋና
በፋኖስ መለወጥ የፀሐይን ፋና
የነብርን ጅራት ለቆ ሩጫ
አህያ ሰፈር ገብቶ እርግጫ
ጅብን አቅፎ እንቅልፍ
እባብን አምኖ ማሳለፍ
ሐበሻን ሐበሻ በሾኬ ካልጠለፈ
ወንድሙ ላይ ታርጋ ካልለጠፈ
ቃሉን አጥፎ መንገድ ካላጠፈ
አጥፎም በሽብር ደም ካልተራጨ
ሴራ ሸርቦ እንደ ነጠላው ካልቋጨ
ጎረቤቱ በበላው ሆዱን ካልታመመ
እንዲያሽረው ኮሶ በኮሶ ካልታከመ
እንዳይበለጥ በዘመዱ ተንኮል ካልሸረበ
መርፌ ሰክቶ በግድግዳ ጠንቋይ ካልቀለበ
ባላንጣ ሆኖ መሳይ ባልንጀራ
ለታይታ ፍቅሩ መዐድ ካልተጋራ
ግራ እየገባው ካላጋባ ግራ
ዐረብን አርጎ ዲኑ
በራሱ መጨከኑ
ፈረንጅ አርጎ መልአኩ
የጠፋበት ሚዛን ልኩ
ለቀብር ከሰነፈ ጉልበቱ
በሞተ ከጨከነ አንጀቱ
ምቀኛ ካሳጣው ጸሎቱ
ጥሬ ቢያጣ ካልቆረጠመ ጥራጥሬ
ታሪኩን ካላወጋ ተቀምጦ በወሬ
እና ይኼን ሁሉ ዐውቀው እንዳይርቁት
ክፋቱን ብቻ ዐይተው እንዳይጠሉት
ገዳም ገብቶ መላክ ያናግራል
ሰማይ ቤት በምድር ያደናግራል 
የፈጣሪ ስም ጠርቶ ወኔህን ይሰልባል
ችግር ፈጥሮ ራሱ ባካል
ለነፍስ ምስጢር ይፈታል
ምሥራቅ ሲሉት ምዕራብ
ሰሜን ሲሉት ደቡብ
ያለም እንደርቢ አዋኪ ሸዋኪ
እውነትን አንቆ እምነትን ሰባኪ
ሐበሻን ዐውቃለሁ ማለት ዘበት
ብልቃጥ ያልገባ መርዝና መዳኒት
ኋላ ሲሉት ከፊት ከፊት ሲሉት ኋላ
ታንገት ተሽጦ በፍቅር አንገት የሚቀላ
እንብላ ብሎ በአንደበቱ ስተህ ብትበላ
በሆድህ ስም ሰጥቶ አፈር ድሜ የሚያስበላ
ይኼን ዘመን የማይፈታው እንቆቅልሽ
ተዉት ባለበት ሳይነጋ እንዳይመሽ
አይነኬን ነክተን ቀልባችን እንዳይሸሽ
ተሰፍርን ዝም አልን በሥዩመ እዝጊ ዘሐበሽ
ጉያችን ጣፍጦ ገብቶ ሲያቀረናን እንደ አብሽ
ዓሣን ካልበሉት በብላት
ሐበሻን ካላወቁ በሥርዓት
ሕይወትም ይሆናል ለግጥ ዕውቀትም ሁሉ ከንቱ
ሐበሻን ልብ ብለው ካላዩ ከሥር መሠረቱ
ሕይወትም ይሆናል ለግጥ ዕውቀትም ሁሉ ከንቱ
ሐበሻን ልብ ብለው ካዩ ከጥንት ከጠዋቱ
ያው ዞሮ ዞሮ ድንቅነሽ ናት እናቱ

የቅዱስ መርቆርዮስ ለታ ትሳስ 2018 
የሐበሻ ስምንት ዐመት ኋላ መቅረት፣ 
አለው አንዳች ነገር አለው አንዳች ብላት

ብሩክ በ.

የኤፍቢአይ ምልምል ሠራተኛው

የኤፍቢአይ ምልምል ሠራተኛው

ሦስት የደኅንነት ሠራተኞች የኤፍቢአይ የደኅንነት ሠራተኛ ሆነው ለመቀጠር ትንሽ ነው የቀራቸው። ለቀናት ከቆየ ከባድ ምርመራና ቃለ መጠይቅ ፈተና በኋላ ታማኝ የኤፍቢአይ ሠራተኛ መሆን መቻላቸውን ለማረጋገጥ የመጨረሻ መውሰድ ያለባቸው አንድ ከባድ ፈተና እንደሚቀራቸው ይነገራቸዋል። የኤፍቢአይ ዋናው የደኅንነት ሹም የሆኑት አለቃ የመጀመሪያውን ምልምል ሠራተኛ ወደ አንድ ነጠል ያለ ክፍል አጠገብ ብቻውን ይወስዱትና በሩ ላይ ሲደርሱ ሽጉጥ በእጁ ያስቀምጡለታል። በመቀጠልም «እዚህ ክፍል ውስጥ ትገባና ሚስትህን ገድለሃት ውጣ ! የኤፍቢአይ ትዕዛዝ ነው። »

ሰውዬው ክፍሉ ውስጥ ሲገባ ሚስቱ አለች። ወዲያው ተመልሶ ይወጣና « ይቅርታ ጌታዬ ! ሥራው ይቅርብኝ ፣ በጭራስ ሚስቴን መግደል አልችልም። » ይልና ከዋናው የኤፍቢአይ መሥሪያ ቤት ወጥቶ ይሄዳል።

ሁለተኛው ሰውዬም በተመሳሳይ አካሄድ ፈተናው ይቀርብለታል። እሱም ሚስቱን ካያት በኋላ ሚስቱ ከሥራው እንደምትበልጥ በማመን እሱም እምቢኝ አሻፈረኝ ብሎ ሥራውን ጥሎ ይሄዳል።

ሦስተኛው ሰውዬ ሽጉጡ ተሰጠውና እንደተለመደው ሚስቱን እንዲገድል ተነግሮት ያለችበት ክፍል ገባ። ወዲያውኑ ስድስት የጥይት ጩኸት ተሰማ። ከትንሽ ሰከንዶች በኋላ ዋናው የኤፍቢአይ ኃላፊ ክፍሉ ውስጥ ጓ ! ድም ! ቡም ! ጓ የሚል ከፍተኛ ጓጓታ መስማት ጀመረ። ከትንሽ ደቂቃዎች በኋላ ሰውዬው ደም በደም ሆኖ ከክፍሉ ውስጥ ወጣ።

«ምንድነው የተፈጠረው ? » ዋናው ኃላፊ ጠየቀ።

«ጌታዬ ሽጉጡን የሰጥዎት ሰው የማይረባ ወታደር ነው። ሁሉም ጥይት ቀልሃ አልባ ባዶ ነበር። ዋናው ነገር በታዘዝኩት መሠረት በተቀመጠችበት ወንበር ገድያታለሁ። »

ትርጉም በብሩክ በ. ግንቦት ፲፭ ፣ ፳፩፰ [ቀኑ የራሴ ነው]

[The English Version]

 The FBI AGENT

Three men want to become agents for the FBI. After a day of intensive interviews, they are told there is one more test to prove their dedication to the FBI. The head FBI agent takes the first guy into a private room. He hands him a gun and says, “Go into that room and kill your wife.”

The guy says, “No way” and leaves FBI headquarters.

The second guy goes through the same proceedings. He walks into the second room, but on seeing his wife decides that she is worth more than a good job and he too refuses.

Finally, the third guy is given the gun and told to kill his wife. He walks into the second room and six shots are heard. A few seconds later, the head FBI agent hears crashing and banging from the room. After a few minutes, the guy comes out of the room. “What happened?” asks the FBI agent.

“Some idiot loaded the gun with blanks. I had to kill her with the chair!”

የአንድ ታላቅ ብልህ ሰው ምክር ለወንዶች

የአንድ ታላቅ ብልህ ሰው ምክር ለወንዶች
ከፈስ ቡክ (ፌስቡክ አላልኩም ልብ ይበሉ) ተወስዶ የተመለሰ ትርጉም 
የተርጓሚ እንጂ የቀልባሽ አይሁንብኝ አቦ !
1. ልጄ ሆይ ፥ እቺን ዐለም እለውጣለሁ ብሎ ውስጥህ የሚንተከተክ ከሆነ እነሆ ስታገባ በፊት አድርገው። ካገባህ በኋላ እንኳን ዐለምን የቴሌቪዥን ጣቢያን እንኳ መቀየር አትችልም። [ቃና ወይ ምርቃና ምርጫው ያንተ ነው]
2. ሚስትህ ስታወራ ማዳመጥ ልክ በድረገጽ ላይ ያለውን የስምምነት ውል እንደማንበብ ያለ ነገር ነው። ቢገባህም ባይገባህም ተስማምቼያለሁ ከማለት ውጭ ሌላ ምርጫ የለህም። 
3. ቼዝ የሚባለው ጨዋታ በዐለም ላይ ካሉት ጨዋታዎች ሁሉ የምስኪኑን ባል በቤት ውስጥ ያለውን የአባወራነት ሚና በትክክል ይገልጸዋል። ምስኪኑ ንጉሥ በአንድ ጊዜ አንዴ ብቻ መንቀሳቀስ ይችላል። ታላቋ ንግሥት በፈለገችው አቅጣጫ እንደፈለገች የመብረር እና የፈለገችውን የማድረግ መብቷ እንደተከበረ ሆኖ።
4. ሁሉም ወንዶች ልበ ሙሉ ናቸው። ምንም ዐይነት የሚያስፈራ “ሆረር” የሚባል ፊልም አያንበጫብጫቸውም። ግን አቶ ሚስት 3 ሚስድ ኮል እንዳላት የእጅ ስልካቸው ላይ ካዩ ልባቸው ከደረት ወደ ካልሲ ሲሸጎጥ ኤድና ሞል ያለው ኤይት ዲ ሲኒማ እንኳ እንደዛ አያስፈራቸውም።
Adopted by Brook B. May 4, 2018

የFacebook ቋንቋ

የFacebook ቋንቋ
በአማርኛ ሲተረጎም ኪ ኪ ኪ
1. SIGN IN --- ቤቶች
2. CHAT --- ጅንጅን
3. LIKE --- ወንዳታ
4. UNFRIEND--- ዞር በል
5. BLOCK --- ይድፋህ
6.POKE --- ነቃ በል
7. TAG --- አቋቁሙን
8. NOTIFICATION --- ያልሰማ ይስማ
9. STATUS --- ድራሽ
10.PROFILE --- ሁለንተናዬ
11. SEARCH --- እንደ በሬ ጋጠው
12.ADD FRIEND --- ሴት ልጃችሁን ዳሩልን
13. Password - መቀርቀሪያ
14. share - ተባበሩን
15. SIGN OUT --- አገር ምድሩ ይስፋላችሁ !
ብለን እንወጣለን

Kah Su-g Love‎ to ቤት ትምህርቲ ቋንቋ ትግርይና (ትንሳኤ ቋንቋና)

በትግርኛ እንዲህ የተጻፈው የተተረጎመ

ቋንቋ Facebook
ብትግርኛ እንትትርጎም ክ ክ ክ
1. SIGN IN --- ኣቱም ዓዲ
2. CHAT --- ጨጨም
3. LIKE --- የዒስ
4. UNFRIEND--- ችድ ልየኻ
5. BLOCK --- ኣብ መቓብርካ ደው ኣየብለኒ
6.POKE --- ተበራበር
7. TAG --- ደው ኣባህሉና
8. NOTIFICATION --- ለይሰማዕኻ
9. STATUS --- ሃለዋት
10.PROFILE --- ኩለንተናይ
11. SEARCH --- ብዕራይ ልኣተዎ
12.ADD FRIEND --- ጓልኻቱም ሃቡና
13. pasward - መሸጎር
14. share - ተሓባበሩና
15. SIGN OUT --- ይግፈሓልኹም !
ይግፈሓልኹም እልና ንወፂእ